Ni igikorwa cyabaye ku mugoroba wo ku wa 29 Mutarama 2026, gihuriza hamwe ibyamamare birimo Juno Kizigenza, Kid From Kigali, Angel Mutoni, Bruce the 1st, Dj Rusam, Dj Tlex, Dj Crush na Patycope.

Bganiriye ku ngingo nyinshi zijyanye n’inararibonye yabo, kungurana ibitekerezo no gushishikariza urubyiruko kwiteza imbere babifashijwemo n’umutungo wabo mu by’ubwenge.

Muri iki gikorwa cyaranzwe no gusangira no gusabana mu buryo bunyuranye, abacyitabiriye bagarutse ku mbogamizi bahura na zo, uko bahangana na zo, n’uburyo bashobora kwagura ibikorwa byabo bikagera ku rwego mpuzamahanga.

Thibault Relecom yavuze ko SKOL ifite ubushake bwo gukomeza kuba hafi y’umuco n’imyidagaduro nyarwanda, binyuze mu gushyigikira impano z’abakiri bato no guteza imbere urubyiruko.

Yashimangiye ko gushyigikira urubyiruko rufite impano ari imwe mu nkingi z’ingenzi z’ikigo ayobora, bityo ari inshingano zabo gufasha impano z’Abanyarwanda kubona amahirwe yo kwaguka.

Ati “SKOL ntireba gusa ku gutanga ibinyobwa, ahubwo tuniyumvamo inshingano zo kuba umufatanyabikorwa w’urubyiruko rufite impano. Dushaka kuba hafi y’abahanzi, tukabafasha kugera ku rwego mpuzamahanga.”

Abitabiriye iki gikorwa bashimye SKOL ku bw’iki gitekerezo, bavuga ko cyabafashije kunguka ubumenyi, kuzamura icyizere no kwagura imikoranire.

SKOL Brewery Ltd imaze imyaka 16 ikorera mu Rwanda aho yakoze ibikorwa bitandukanye biteza imbere Abanyarwanda.
Mu bikorwa SKOL yakoze bikomeye harimo gushyigikira siporo ihereye muri Tour du Rwanda no gufasha Rayon Sports no gufasha abanyeshuri batandukanye kurihirwa amashuri mu byiciro bitandukanye.

Mu Ukwakira 2025 uru ruganda rwatangaje ko rugiye gushora hagati ya miliyoni 25$ na miliyoni 35$ mu kwagura ibikorwa.

Abahanzi baganiriye na Skol ku guteza imbere impano

Thibault Relecom washinze Skol yavuze ko bafite ubushake bwo gukomeza kuba hafi y’umuco n’imyidagaduro nyarwanda

Ibiganiro byajyanye no kwica icyaka

Thibault Relecom washinze Skol aganira n'ibyamamare mu myidagaduro

Juno Kizigenza mu bitabiriye ibiganiro bya Skol ku guteza imbere impano z'urubyiruko

Abahanzi batandukanye bagaragaje imbogamizi bahura na zo mu muziki n'uko babona zakemurwa

Bruce the 1st mu bahanzi bitabiriye ibiganiro bya Skol

Angel Mutoni wamenyekanye mu ndirimbo zitandukanye nka Pull Up na we yitabiriye ibiganiro byo guteza imbere impano

Dj Crush ari mu bagezweho mu kuvanga imiziki

DJ Rusam n'umugabo we Dj Tlex bari mu batumiwe mu biganiro byateguwe na Skol

SKOL yaganiriye n’abavuga rikumvikana mu myidagduro ku kuzamura impano z’urubyiruko

Abitabiriye ibiganiro bya Skol byo guteza imbere urubyiruko bakirijwe ibinyobwa uru ruganda rukora

Kid From Kigali uri mu bahanzi bagezweho na we yatumiwe na Skol

Thibault Relecom washinze Skol aha ikaze abahanzi batandukanye uru ruganda rwari rwatumiye