Ingabo za Leta ya Kiyisiramu zahanishije umugabo ukekwaho kuba umutinganyi kumuhanura hejuru y’igorofa ndende adapfuye arakubitwa kugeza apfuye ku ya 30 Mutarama.

Ikinyamakuru The Independent kivuga ko umuryango mpuzamahanga uharanira uburenganzira bwa muntu (Human Rights Watch, HRW) watangaje ko uwo mugabo wiciwe mu mujyi wa Tal Abyad muri Syria ari uwa 35 wishwe rubozo n’abarwanyi ba Leta ya Kisilamu muri Syria mu kwezi kwa Mutarama 2015.

Umurwanyi wa Leta ya Kiyisilamu (ISIS) atwaye idarapo ryayo

Mu Kuboza 2014, Leta ya Kisilamu yashyize hanze igitabo cy’amategeko ahana igenderaho, icyaha cy’ubutinganyi n’ubugambanyi ibihanishwa kwicwa umuntu abambwe, atewe amabuye , akubiswe kugeza apfuye cyangwa ubundi buryo bwose bwo kumubabaza bikomeye.

Amafoto n’amashusho y’iyicaruboza rikorwa n’ingabo za Leta ya Kiyisilamu bishyirwa ku mbuga nkoranyambaga kugira ngo bitere ubwoba abashobora kwigomeka ku buyobozi bwayo.

Abakozi ba HRW bavuga ko muri Syria gusa, mu bantu 35 bamaze kwicwa na Leta ya Kiyisilamu 22 ari abaturage naho abandi bakaba abasirikare.

Muri raporo iheruka , HRW, yanenze bikomeye Syria na Irak kuko bisa n’ibishyigikiye iyicwarubozo rikorerwa abaturage babyo.

[email protected]