Singh ashinja Trudeau uburyarya kuko yanze kugira icyo avuga ku ijambo rya Trump yari aherutse gutangaza yemeza ko abigaragambya ari amabandi n’inyeshyamba.

Ibi Singh yabigarutseho Ku wa 3 Kamena ubwo yari mu kiganiro n’abanyamakuru cyabereye mu mujyi wa Ottawa “ uguceceka kwe byerekana uburyarya Minisitiri w’intebe wa Canada agomba kwamagana urwango n’irondaruhu riri kubera mu majyepfo y’umupaka, niba Minisitiri adashobora gukora ibyo, ni gute abantu basanzwe bakwitegwaho kubirwanya?”

Uku kunengwa kwa Trudeau kuje nyuma y’uko ku wa 2 Kamena ubwo yari mu kiganiro n’abanyamakuru, umwe mu banyamakuru yamubajije icyo atekereza ku myigaragambyo iri kubera muri Amerika.

Nyuma yo kumara amasegonda arenga 20 acecetse yasubije uyu munyamakuru ko Abanya-Canada batewe ubwoba n’ibiri kuba, ariko ntiyagira icyo avuga ku bikorwa bya Trump.

Uku kutagira icyo avuga ko bikorwa bya Trump niho Singh yahereye yemeza ko ari indyarya cyane ko we amubona nk’umuntu uri kubiba amacakubiri , utiza urwango umurindi n’ivanguraruhu ari nako arushaho gushyira ubuzima bw’abantu mu kaga.