Byatangajwe ko ibi biganiro bitarafatirwa umwanzuro, gusa bigamije kureba uburyo bwo gufungura ibiganiro hagati y’ibi bihugu byombi, nyuma y’igihe hagaragara umwuka mubi.

Ibi bibaye nyuma y’uko Perezida Donald Trump aheruka guhura na mugenzi we Kim muri Kamena 2019 ku mupaka uhuza Koreya y’Epfo n’iya Ruguru, aho yabaye Perezida wa mbere wa Amerika wageze ku butaka bwa Koreya ya Ruguru akiri ku butegetsi.

Abayobozi bakuru muri Leta Zunze Ubumwe za Amerika bemeza ko izi nama ziri gukorwa mu rwego rwo gutera intambwe nshya mu mibanire yari yatewe no kutumvikana kubera gahunda ya Koreya ya Ruguru y’intwaro n’ibisasu bya kirimbuzi.

Perezida Trump ku ruhande rwe yagaragaje ubushake bwo guhura na Kim igihe cyose bigaragaye ko ari ngombwa ndetse avuga ko ari ibintu byaba ari iby’icyubahiro guhura nawe.

Yagize ati “Niba byaba bikwiye ko mpura na we, nabyemera rwose. Byaba ari n’iby’icyubahiro.”

Uru rugendo Trump azagirira muri Aziya biteganyijwe ko azagera mu bihugu birimo u Buyapani, Koreya y’Epfo, u Bushinwa, Vietnam na Philipine.

Perezida wa Koreya y’Epfo, Moon Jae-in, ku ruhande rwe yavuze ko yizeye ko ibi biganiro bizafasha kugera ku mahoro arambye hagati y’ibi bihugu byombi.

Yagize ati “Amahoro muri Koreya ya Ruguru azagerwaho binyuze mu biganiro no kumvikana.”

Abasesenguzi bavuga ko kuba ibi biganiro biri kuganirwaho ubwabyo ari ikimenyetso cy’impinduka mu myumvire ya Amerika, aho gukoresha uburyo bw’intambara ikagana inzira y’ibiganiro byubaka.

Biteganyijwe ko Trump Aashobora guhura na mugenzi we Kim Jong Un