Ikinyamakuru The Washington Post cyatangaje ko iterabwoba ryo kwica Trump ryatumye mu kwezi gushize hategurwa igikorwa kidasanzwe cyo kumucungira umutekano, ubwo yari agiye kuva muri Turikiya nyuma yo kwitabira inama ya NATO.

Mu gihe White House yari yatangaje ko Trump yari mu ndege Air Force One, isanzwe ikoreshwa na Perezida wa Amerika, amakuru yaje kugaragaza ko mu by’ukuri yari yajyanywe mu ibanga mu yindi ndege ya gisirikare.

The Washington Post ivuga ko urugendo rwa Trump rwateguwe mu buryo bwihariye kugira ngo hahishwe indege yari arimo n’uburyo yari kuva muri Turikiya. Ibi byakozwe mu rwego rwo kugabanya ibyago by’uko abashoboraga kuba bateganya kumugirira nabi bamenya aho ari n’indege yari arimo.

Iki kinyamakuru cyatangaje ko icyatumye hafatwa izi ngamba zidasanzwe ari amakuru yerekanaga ko Iran yashoboraga kuba ifite umugambi wo kwica Trump.

Ibi bisobanuye ko amakuru yari yatanzwe ku mugaragaro na White House atari ahuye n’uburyo urugendo rwa Perezida rwakozwe.

White House yari yavuze ko Trump yavuye mu nama ya NATO ari muri Air Force One, nyamara amakuru yizewe avuga ko yakoresheje indi ndege ya gisirikare mu ibanga.

Uburyo uru rugendo rwateguwemo bwari bugamije cyane cyane guhisha aho Trump yari ari no kumurinda iterabwoba ryashoboraga gushyira ubuzima bwe mu kaga, mu gihe yavaga muri Turikiya asubira muri Leta Zunze Ubumwe za Amerika.

Amakuru y’uko Trump yakoresheje indi ndege mu ibanga yaje kumenyekana nyuma, mu gihe White House yari yarakomeje kugaragaza ko Perezida yari muri Air Force One.

Trump ntiyagenze muri ‘Air Force One’ kubera ubwoba bwo kwicwa na Iran