Abinyujije ku rukuta rwe ku wa Gatanu yavuze ko Twitter hari abantu benshi yakuye ku rutonde rw’abamukurikira, igikomeye akaba ari uko bisigaye bigoye kuba watangira kumukurikira.

Yakomeje avuga ko bigaragarira buri wese ko umubare w’abamukurikira utakizamuka cyane.

Nubwo avuga ibi, urubuga Wayback Machine rugenda rubika amakuru arebana n’imbuga za Internet rugaragaza ko aba followers ba Trump biyongereye muri uku kwezi kuko kwatangiye afite miliyoni 54.8, ku itariki 26 Ukwakira akaba yari afite miliyoni 55.3.

Mu minsi ibiri gusa kandi biyongereyeho ibihumbi 100 kuko kuri iki Cyumweru afite aba-followers miliyoni 55.4.

Twitter iteruye ngo isubize Trump, yatangaje ko hari konti zagiye zisubira inyuma mu ba-followers, kubera ko iri kugenda ifunga iza baringa n’izishobora guteza ibindi bibazo.

Ku wa Kane Twitter yagaragaje ko mu gihembwe gishize yatakaje konti miliyoni icyenda kubera iki gikorwa.

Trump yavuze ko muri iki gihe kumukurikira kuri Twitter bisigaye bigoranye

[email protected]