Abadepite bakomoka mu ishyaka riri ku butegetsi n’abo mu ritavuga rumwe na bwo, barwaniye mu ngoro y’Inteko Ishinga Amategeko bapfa umushinga w’itegeko rirebana n’umutekano.

Aba Badepite baje kurwana baterana ingumi n’imigeri, mu ijoro ryo kuwa Kane, tariki ya 19 Gashyantare, batumvikanye ku byo kongerera ububasha ba Guverineri mu rwego rwo korohereza polisi mu kurwanya abigaragambya nk’uko ibinyamakuru byo muri iki gihugu byabitangaje.

Ingumi zavugije ubuhuha hagati y'Intumwa za rubanda

Iyi mirwano ije ikurikira iyo kuwa Gatutu w’iki cyumweru yakomerekeyemo Abadepite batanu.

Muri uyu mushinga w’iri Tegeko ryateje amahane, Guverinoma irashaka guha ba Guverineri ububasha bwo gutegeka guta muri yombi abigaragambya, bikorohera Polisi kubarwanya.

Abadepite baturuka mu ishyaka ritavuga rumwe n’iriri ku butegetsi bateye utwatsi uwo mushinga, bavuga ko wemejwe wahindura Polisi y’Igihugu iya Perezida Recep Tayyip Erdogan.

Ihere ijisho imirwano hagati y’Intumwa za Rubanda