Ako gahimbazamusyi kazatangira gutangwa uhereye muri Mutarama 2022 nk’uko Minisitiri w’Intebe Jean Castex yabitangaje kuri uyu wa Kabiri.

France24 yatangaje ko ubwo Castex yasuraga ishami rishinzwe ubuvuzi bw’indembe muri Komine ya Creteil, yavuze ko iyi gahunda igamije kuvugurura imiterere y’akazi, guteza imbere amahugurwa n’ubumenyi bukenewe ku bakorera ahavurirwa indembe.

Minisiteri y’Ubuzima mu Bufaransa irateganya gutangaza ingamba nyinshi mu cyumweru gitaha zigamije gukemura ikibazo cy’ibura ry’abakozi bakenewe mu rugamba rwo kurwanya Covid-19. Gutanga agahimbazamusyi ku baforomo ngo ni imwe muri izi ngamba nk’uko Minisitiri w’Ubuzima, Olivier Veran yabitangaje.

Ikwirakwira rya Omicron ryatumye umubare w’abandura Covid-19 mu Bufaransa wiyongera, ibi bikaba byarashyize igitutu ku bakozi bakorera ahakirirwa indembe mu bitaro bya leta.