U Bwongereza bwakuye u Bufaransa ku mwanya wa 5 w’ibihugu bikize ku Isi

00:00:00 IGIHE NETWORK

KINYARWANDA

ENGLISH

FRANCAIS

U Bwongereza bwakuye u Bufaransa ku mwanya wa 5 w’ibihugu bikize ku Isi

Yanditswe na

Mathias Hitimana

Kuya 7 January 2015 saa 02:30

Yasuwe :

Yavuzweho:

Mu gihe mu mwaka wa 2013 ubukungu bw’u Bufaransa imbere mu gihugu bwashyiraga iki gihugu ku mwanya wa 5 mu bihugu bikize ku Isi, mu mwaka wa 2014 ibintu byahinduye isura, u Bwongereza busimbura Bufaransa kuri uyu mwanya.
U Bufaransa bwahoze buza ku mwanya wa gatanu, ku rutonde rwari ruyobowe na Leta Zunze Ubumwe za Amerika (USA), U Bushinwa, U Buyapani n’u Budage. U Bwongereza bwasimbuye u Bufaransa, bwazaga ku mwanya wa gatandatu mu 2013.
Imibare mishya igaragaza ko ubukungu bw’u (…)

U Bufaransa bwahoze buza ku mwanya wa gatanu, ku rutonde rwari ruyobowe na Leta Zunze Ubumwe za Amerika (USA), U Bushinwa, U Buyapani n’u Budage. U Bwongereza bwasimbuye u Bufaransa, bwazaga ku mwanya wa gatandatu mu 2013.

Imibare mishya igaragaza ko ubukungu bw’u Bwongereza bw’imbere mu gihugu bwasizeho miliyari 98 z’amayero ubw’u Bufaransa mu mwaka wa 2014.

Ubukungu bw’u Bufaransa imbere mu gihugu (PIB) ni miliyari 2134 z’Amayero mu gihe u Bwongereza ari miliyari 2232 z’Amayero nk’uko byagaragajwe mu nyandiko yasohotse ku rubuga rwa Komisiyo y’u Burayi.

Nubwo hataratangazwa uko igihembwe cya kane cyangenze mu bukungu bw’ibi bihugu, abasesengura iby’ubukungu nta mpinduka biteze mu bizatangazwa mu byumweru biri imbere nk’uko tubikesha Le Figaro.

Umuvuduko w’ubukungu bw’u Bwongereza warazamutse cyane kuruta uw’u Bufaransa kuva mu 2013.

Mu 2013, ubukungu bw’imbere mu gihugu mu Bwongereza bwari inyuma y’u Bufaransa ho milyari 97 z’amayero. U Bwongereza bwari kuri miliyari 2017 z’amayero, u Bufaransa buri ku 2114.

Izamuka ry’ubukungu bw’u Bwongereza mu 2014 ribarirwa kuri 3%, u Bufaransa bwo buri kuri 0,4%. Uyu muvuduko ukaba waratumye PIB y’u Bwongereza izamukaho miliyari zibarirwa muri 60 z’amayero.

Ihindagurika ry’ibiciro ku isoko mu Bwongereza na ryo ryari kuri 1,5 %, ryongera kuri PIB miliyari zibarirwa hagati ya 30 na 40 z’amayero.

Mu byatumye u Bwongereza busiga u Bufaransa harimo no kuba ifaranga rikoreshwa mu Bwongereza (Livre sterling) ryarasumbije agaciro ku kigero cya 5,4% Iyero rikoreshwa mu bihugu bigize Umuryango w’Ubumwe bw’u Burayi, birimo n’u Bufaransa.

Ibi ngo byazamuye ubukubu bw’imbere mu Bwongereza ho miliyari 126 z’Amayero.

Ku rutonde rw’ibihugu bikize kurusha ibindi ku Isi habanza U Bushinwa, USA, U Buyapani, u Budage, u Bwongereza, u Bufaransa bufafata umwanya wa gatandatu.

[email protected]