CNN itangaza ko Manuel Valls Minisitiri w’intebe w’u Bufaransa ari we wavuze ko iyo ndege yarimo abagenzi 142 n’abakozi bo mu ndege 6, ariko hakaba nta witeze ko harokoka n’umwe mu bari bayirimo.

Valls yakomeje avuga ko iyi ndege yavaga i Barcelona muri Espagne yerekeza i Düsseldorf mu Budage, yasandariye hafi y’ahitwa Digne les Bains mu misozi ya Alpes de Haute Provence

Perezida w’u Bufaransa Francois Hollande yagize ati "Imiterere y’iyo mpanuka ntirasobanuka, ariko ntawe twiteze ko aza kuyirokoka."

Kugeza ubu ntiharatangazwa icyateye iyo mpanuka.