Umwe mu bakozi b’ibiro bya Perezida w’u Bufaransa “ Elysee” yemeje ko Perezida w’icyo gihugu, Francois Hollande n’umukinnyi wa filimi Julie Gayet bakomeje gukundana rwihishwa akaza kumusura kenshi mu biro akabishisha ariko bikaba iby’ubusa.

Yabwiye ikinyamakuru France Dimanche ati” Buri gihe iyo ahageze turabimenya ni ibanga risekeje rishimisha buri wese ukora mu biro bya perezida.”

Perezida Hollande na Julie Gayet

N’ubwo bagerageza guhura mu mwiherero n’umuhezo ukomeye, uwo mukozi avuga ko baba baratahuwe inshuro zirenga imwe. Avuga ko ubwo bafatirwaga mu cyuho, Julie Gayet yagize ipfunwe ariko akereka buri wese ikinyabupfura.

Ikinyamakuru People kivuga ko Julie Gayet atifuza ko ibye na Perezida Hollande bijya ahagaraga kuko yahisemo kuguma yigenga yanga rwaserera zo kwitwa umugore wa Perezida.