Uyu mugabo w’imyaka 68 y’amavuko ashinjwa ibyaha birimo gusesagura umutungo w’igihugu, ibya ruswa, gukorana n’udutsiko tw’abagizi ba nabi no kwakira inkunga zinyuranyije n’amategeko nk’uko byatangajwe n’ubushinjacyaha.

Sarkozy ashinjwa ko yakiriye abarirwa muri miliyoni z’amayero yatanzwe n’ubutegetsi bw’uwahoze ari Perezida wa Libya, Muammar Gaddafi ngo ashyigikire ibikorwa byo gutegura amatora mu 2007 ndetse yaje no kuyatsinda.

Mu myaka ye ya mbere ku butegetsi, Sarkozy yakomeje umubano we na Libya nk’uko inkuru ya Deutsche Welle ibivuga.

Uwahoze ari Minisitiri ushinzwe Ingengo y’Imari, Eric Woerth, Claude Gueant na Brice Hortefeux bahoze ari ba Minisitiri b’Umutekano w’Imbere mu Gihugu bari ku rutonde rw’abasabiwe gukurikiranwa.

Ntiharamenyekana igihe bizasaba ngo bagezwe mu rukiko kuko abashinjacyaha basaba ko haterwa intambwe ya mbere iganisha ku kubakurikirana.