Ubu bushakashatsi bwagaragaje ko 68% by’izo mfu zatewe n’ihindaguruka ry’ikirere rituruka ku bikorwa bya muntu.

Dr. Clair Barnes uri mu bakoze ubu bushakashatsi yavuze ko nubwo iyo mibare ishobora gusa nk’idatakanganye, ubu bushyuhe bwahinduye imibereho ya benshi.

Yakomeje avuga ko iyi mibare ikwiye kongera kwibutsa za guverinoma gushyiraho amategeko abungabunga ikirere.

Ati “Uko guverinoma zitinda gushyiraho amategeko arwanya ikoreshwa rya lisansi n’imyuka ihumanya ikirere ni ko n’impeshyi zizagenda zirushaho kuba mbi, ndetse bigorane no guhangana n’ingaruka zayo.”

Ubu bushakashatsi bwagaragaje ko ibihugu byibasiwe cyane ari Espagne, u Bwongereza, u Budage n’u Bufaransa.