Ukraine yamaganye icyo gikorwa, ivuga ko kigamije kwiyomekaho utwo duce u Burusiya bumaze gufata mu ntambara imaze amezi ane ihuje ibihugu byombi.

Ibiro Ntaramakuru by’Abarusiya, TASS, byatangaje ko kuri uyu wa Gatandatu abaturage 23 ba Kherson bahawe pasiporo z’u Burusiya.

Iki kinyamakuru cyatangaje ko nubwo hatanzwe pasiporo nke, abazisabye ari benshi cyane.

Guverineri wa Kherson washyizweho n’u Burusiya, Volodymyr Saldo yavuze ko hari benshi bashaka pasiporo.

Ukraine yatangaje ko ari ubushotoranyi ibyo u Burusiya bwakoze ndetse ivuga ko izo pasiporo nta gaciro zifite.

Ibi bije bikurikira izindi pasiporo u Burusiya bwahaye abaturage bo muri Crimea yiyometseho mu 2014 ndetse no muri Donbas.