U Burusiya: Ikibuga cy’indege cyafunzwe by’igihe gito hikanzwe ibitero bya drones

ByRosine IngabireKu wa 11 Kanama 2023 saa 10:49

Ikibuga cy’indege cya Vnukovo International Airport kiri mu mujyi wa Moscow mu Burusiya, cyafunzwe by’igihe gito kuri uyu wa Gatanu nyuma yo guhabwa impuruza ko gishobora kugabwaho igitero cy’indege nto zizwi nka drones.

Ibiro Ntaramakuru by’Abarusiya TASS byatangaje ko icyo kibuga cy’indege cyafunzwe mu isaha, indege zagombaga kuhagwa no kuhahaguruka zirahagarikwa.

Indege zagombaga kugwa kuri icyo kibuga cy’indege zoherejwe ku kindi byegeranye cya Domodedovo.

U Burusiya bumaze iminsi bugabwaho ibitero bya drones cyane cyane mu murwa mukuru Moscow, ibintu bishinjwa Ukraine bimaze umwaka urenga bihanganye mu ntambara nubwo Ukraine ibihakana.

Vnukovo International Airport yafunzwe mu gihe cy'isaha kubera kwikanga ibitero bya drones

Ibitekerezo 0

Loading comments...