Ako karasisi gategerejwe mu kwezi gutaha, kakazabera mu Murwa Mukuru w’icyo gihugu, i Beijing. Byitezwe ko muri aka karasisi hazerekanwa indege z’intambara zidasanzwe, indege zirasa ibisasu bikomeye, ubwato butwara indege z’intambara, intwaro zikoreshwa n’ingabo zo ku butaka nk’ibifaru n’ibindi.

Itangazo rya PLA rivuga ko "hazakoreshwa ibikoresho bigezweho mu nzego zose za gisirikare" kandi bikazaba bigamije kwerekana ubushobozi bw’icyo gisirikare mu gihe cyaba kiri mu ntambara.

PLA kandi ivuga ko izi ntwaro zose "ari intwaro zakorewe imbere mu Bushinwa" ibigaragaza urwego icyo gihugu kigezeho mu gukora intwaro no kwitegura intambara mu gihe cyaramuka kigabweho ibitero.

Aka karasisi gateganyije ku itariki ya 3 Nzeri, aho kazaba ari ko kanini kabayeho mu myaka 10 ishize, kuko akandi kari ku rwego rwo hejuru kaherukaga mu 2015.

U Bushinwa bugiye kwerekana intwaro zihambaye ku nshuro ya mbere