Byitezwe ko ubukungu bw’u Bushinwa buzakomeza kuzamuka muri uyu mwaka nubwo icyo gihugu cyugarijwe n’icyorezo cya Covid-19 cyatumye imijyi imwe n’imwe isubizwa muri Guma mu rugo.

Ubukungu bw’u Bushinwa mu gihembwe cya mbere cya 2021 bwari bwazamutse ku kigero cya 4.4 % nkuko CNBC yabitangaje.

Bimwe mu byatumye ubukungu bw’u Bushinwa bukomeza kuzamuka harimo ishoramari ryinshi mu mitungo itimukanwa, ubwiyongere bw’ishoramari mu nganda n’ibikorwa remezo.

Nubwo ubukungu bw’u Bushinwa bwiyongera, inzobere zagaragaje ko icyorezo cya Covid-19 gishobora gukomeza kubukoma mu nkokora dore ko umubare w’abakomeje kubura akazi kubera guhagarika imirimo bari kwiyongera.

Ubushomeri mu mijyi 31 minini mu Bushinwa bwageze kuri 6 % muri Werurwe uyu mwaka, buvuye kuri 5.4 % muri Gashyantare.