Kuwa Kane nibwo Umucamanza Hilary Kiwanuka, yakatiye iki gihano Moses Okello utuye mu gace ka Barmola.

Mu buhamya yahaye urukiko, umugore we yavuze ko ku wa 20 Mutarama 2018, aribwo Okello yafashe ikariso ye akayishyiramo urusenda undi atabizi, ubundi akamwumvisha uburyo agomba kuyambara.

Yagize ati “Yambwiye ko ashimishwa no kumbona muri uwo mwambaro w’imbere buri gihe nywambaye. Yanshishikarije kuyambara uriya munsi. Nyuma gato nahise ntangira kumva uburyaryate, butigeze bushira na nyuma yo kwiyuhagira.”

The Monitor yanditse ko uyu mugore utarigeze atangazwa amazina yakomeje abwira urukiko ko yahise atangira kugira ibisa n’uduheri mu myanya y’ibanga, ahita afata umwanzuro wo kugana kwa muganga, bamubwira ko ari urusenda rwabiteye ari nabwo yahitaga ajyana ikirego kuri polisi.

Okello wemeye ibyo ashinjwa, yavuze ko yashyize urusenda mu myambaro y’imbere y’umugore we kugira ngo arebe uko aza kubyifatamo.

[email protected]