Iyi ndege yahanuriwe mu burasirazu bwa Ukraine muri Nyakanga 2014, abantu bose 298 bari bayirimo bahasiga ubuzima. Iki gihugu cyajyanye ikirego muri ICJ mu 2017.

Leta ya Ukraine yasobanuye ko u Burusiya ari bwo bwatanze misile zo guhanura iyi ndege ndetse buha inyeshyamba zakoze iki icyaha inkunga y’amafaranga.

Mu rubanza, Leta ya Ukraine yashinje u Burusiya kurenga ku masezerano yo kurwanya iterabwoba, binyuze mu gutera inkunga aba barwanyi bahanuye iyi ndege.

ICJ, mu mwanzuro wayo wo kuri uyu wa 31 Mutarama 2024, yagaragaje ko u Burusiya bwarenze ku masezerano yo kurwanya iterabwoba ubwo bwangaga gukora iperereza ku mafaranga yo gushyigikira iterabwoba bivugwa ko yaturutse mu Burusiya.

Uru rukiko rwategetse u Burusiya gukora iperereza kuri iyi nkunga, ariko rutera utwatsi ikirego cy’uruhare iki gihugu gishinjwa ku ihanurwa ry’indege ryabaye mu 2014.

Ukraine kandi yashinje u Burusiya kurenga ku itegeko mpuzamahanga rirwanya ivangura, ubwo bwangaga gushyigikira ko ururimi rwo muri Ukraine rwigishwa mu kirwa cya Crimea bwafashe mu 2014.

Iki gihugu cyari cyarasabye uru rukiko guca u Burusiya indishyi zo gusana ibyangijwe n’ibi byaha, ariko na byo rwabiteye utwatsi.