Umu-democrate Bernie Sanders yabonye instinzi muri Leta ya ya Michigan, mu gihe mugenzi we bahanganye Hillaly Clinton yatsinze muri Leta ya Mississippi.

Intsinzi ya Trump muri izi leta yatumye arushaho gushimangira kuza ku mwanya wa mbere mu bakandida b’aba-republicains bahanganye, ndetse no guhagarara yemye imbere y’abakomeje kugaragaza ko batamushyigikiye bitewe n’imvugo itari nziza akunze gukoresha.

BBC ivuga ko ubwo hamaraga gutangazwa ko yatsinze, aho kuvuga ijambo ry’intsinzi Trump yahise atangira kugaragaza ko ibicuruzwa biriho izina rye bikomeje kugurwa cyane.

Mu gihe Trump yegukanye intsinzi muri izi leta ebyiri, Ted Cruz bahanganye yegukanye intsinzi muri leta ya Idaho na ho Senateri Marco Rubio aza ku mwanya wa kane.

Iyi nkuru ikomeza ivuga ko Mitt Romney, umu-Republicain wahanganye na Obama mu mwaka wa 2012 yavuze ko nubwo Trump akomeje gutsinda muri za Leta, ngo ashobora kuzatsindwa mu matora rusange biturutse ku mvugo akoresha, zirimo izo gukumira abayisilamu.

[email protected]