Iyo mibare yatumbagijwe n’ubwandu bushya bwabonetse ku wa 28 Ukuboza 2021, aho muri Leta ya New York habonetse abanduye 40.780, muri California hakaboneka abarenga 30.000, Texas habaruwe abari hejuru ya 17.000 na ho muri Ohio haboneka abarenga 15.000.

Umubare munini w’abanduye waherukaga kuboneka mu cyumweru kimwe ku wa 8 Mutarama 2021. Icyo gihe bari 250.141.

Ikigo gishinzwe Kurwanya Indwara zandura muri Amerika giherutse kwerekana ko Omicron yihariye 58,6% by’ubwandu bushya buri kuhagaragara.

Ibipimo bigaragaza ko umubare w'abandura Covid-19 muri Amerika ukomeje gutumbagira kubera ubwoko bushya bwa Omicron