Ku cyumweru tariki ya 27 ukuboza, abagera kuri 11 bishwe n’umuyaga i Dallas mu Mujyi wa Texas. Guverineri w’iyi Leta, Creg Abbott, yatangaje ko ibi byago byagwiriye Dallas,Collin,Rockwall na Ellis.

Ibi kandi byageze no muri Leta ya New Mexico,aho Guverineri wayo Susana Martinez yahise atangaza ibihe bidasanzwe, iki kiza kikaba cyarashegeshe igice cy’amajyepfo y’Uburasirazuba bw’iyi Leta.

Muri Leta ya Illinois na ho byatangajwe ko hapfuye abantu batatu bakuru ndetse n’abana babiri ubwo umuhengeri wagushaga imodoka barimo.

Mu mpera z’iki cyumweru kandi kuva ku wa 25 kugeza kuri 27 Ukuboza 2015, habaye umwuzure muri Missouri aho abantu umunani bitabye Imana n’kuko byatangajwe na Guverineri, Jay Nixon , wahise atangaza ibihe bidasanzwe muri iyi Leta.

Ibi kandi byabaye no mu majyepfo y’Igihugu aho kuwa 23 Ukuboza, abagera kuri 19 bapfuye ,babiri ari abo mu ntara ya Alabama,10 ari abo muri Mississipi ,batandatu ari abo muri Tennesse ndetse n’undi umwe muri Arkansas.

Iyi myuzure imaze guhitana abantu 43

[email protected]