USA: Umugore w’umupolisi uherutse kunigisha umwirabura ivi bikamuviramo urupfu, yasabye gatanya

Yanditswe na Umwali Zhuri
Kuya 31 Gicurasi 2020 saa 12:47
Yasuwe :
0 0

Umugore w’Umupolisi witwa Derek Chauvin uherutse kuniga akoresheje ivi umwirabura witwa George Floyd bikamuviramo urupfu, yandikiye urukiko asaba gatanya n’umugabo we.

Umunyamategeko wa Kellie Chauvin, umugore wa Derek Chauvin, yatangaje ko yagizweho ingaruka n’urupfu rwa George Floyd. Ngo Kellie yababajwe n’urupfu rwa Floyd ndetse yifatanyije n’umuryango wa nyakwigendera mu gahinda ko kubura uwo wakundaga kimwe n’undi uwo ari we wese wagizweho ingaruka n’ibyakozwe n’umugabo we. Nta mwana Kellie yari afitanye n’uyu mupolisi.

Nyuma y’iki gikorwa cyaviriyemo urupfu uyu mwirabura, muri Amerika hadutse imyigaragambyo ikomeye, abaturage bibasira Sitasiyo za polisi barazitwika.

Derek Chauvin w’imyaka 44 yahise yirukanwa mu kazi ke, ubu akurikiranyweho icyaha cy’ubwicanyi. Ni nyuma y’amashusho yagiye hanze amugaragaza yanigishije ivi Floyd kugeza ubwo atakambye avuga ko atabasha guhumeka ariko undi ntabyiteho bikaza kumuviramo urupfu ubwo yari akigezwa kwa muganga.

Ubushinjacyaha mu kirego cyabwo cyatanzwe ku wa Gatanu, bwavuze ko Chauvin yashinze ivi rye ku ijosi rya Floyd mu gihe kingana n’iminota umunani n’amasegonda 46, ndetse ko muri icyi gihe cyose “iminota ibiri n’amasegonda 53” Floyd yayimaze yataye ubwenge.

Mu gihe yahamwa n’icyaha cy’ubwicanyi, Chauvin ashobora gufungwa imyaka 25.

Reba amashusho agaragaza uburyo uyu mupolisi yishe George Floyd


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .