Umupolisi w’umuzungu warashe umwirabura ntakurikiranwe n’inkiko za Leta Zunze Ubumwe za Amerika yasezeye ku kazi ke ku wa gatandatu avuga ko ashaka guhoza imitima y’abirabura yakomerekeje.

Darren Wilson yeguye nyuma y’imyigaragambyo yabaye mu mahoro yari imaze amezi ane yagiye ikomwa mu nkokora na polisi rimwe na rimwe.

Ikinyamakuru Wll Street Journal kivuga ko yanditse ibaruwa kuko yasanze akomeje gukora byababaza benshi kandi bigateza ibyago mu mujyi wa Ferguson, aho yiciye Michael Brown.

Mu ibaruwa yagize ati” Bambwiye ko nkomeje akazi byashyira mu kaga abaturage n’abapolisi bo mu mujyi wa Ferguson kandi ni ibintu ntashobora kwihanganira.”

Nyuma yo kurasa umwirabura yateje impaka bibaza niba yaramwishe ku bushake. Wilson we avuga ko yamurashe yirengera, ariko abari bahari bemeza ko yamurashe yari yamaze kumanika amaboko.

Abigaragambya bipfisha ngo bagaragaze akababaro kabo