Urukiko rwa Gisirikare rwo muri Israel rwakatiye igihano cy’igifungo cya burundu Umunyapalestina wishe abasore batatu b’Abayisiraheli bafatiwe mu gace ka West Bank kari karafashwe na Hamas agateza imirwano yamaze iminsi 50 mu Mujyi wa Gaza mu mpeshyi y’umwaka ushize.

Nk’uko ibiro Ntaramakuru by’Abongereza, Reuters byabitangaje kuri uyu wa kabiri tariki ya 6 Mutarama 2015, urukiko rwasanze Hussam Kwawasmeh, umwe mu basirikari b’intagondwa z’abayisilamu bo mu mutwe wa Hamas yarateguye ifatwa n’iyicwa rya Eyal Yifrach w’imyaka 19 na Gilad Shaer na Naftali Fraenkel b’imyaka 16.

Abayisiraheli bamagana ubwicanyi bwakorewe abo basore batatu

Abo basore bihswe barashwe mu gace ka West Bank muri Kamena mu mwaka ushize wa 2014.

Abandi barwanyi 2 ba Hamas bari bakurikiranyweho kugira uruhare mu iyicwa ry’abo basore bo bishwe mu mirwano y’ingabo za Israel na Hamas muri Nzeri 2014.

Iyicwa ry’abo Bayisiraheli ryateje imirwano ikomeye hagati ya Isiraheli na Palestina ikomeye mu gihe cy’iminsi igera kuri 50.