Ku wa 11 Werurwe 2020 nibwo uru rubuga rwa Google rutambutswaho amashusho, YouTube, rwatangaje ko rurimo guhindura politiki yarwo irebana n’uburyo amashusho yerekeye coronavirus afatwa.

Kuri uyu wa Kane Google yatangaje ko abafite konti kuri urwo rubuga rwayo, bashobora gusaba kwishyurwa ku butumwa bwerekeye coronavirus.

Urwo rubuga rutambutswaho ubutumwa bw’amashusho rwafataga ingingo yerekeye Coronavirus nk’ubutumwa budakwiriye kurebwa n’uwo ariwe wese, guhera mu ntangiro za Werurwe 2020. Ibyo byatumaga ayo mashusho adatambukamo ubutumwa bwamamaza, ari bwo butuma amashusho yinjiza amafaranga.

Hagati muri Werurwe, Umuyobozi wa YouTube, Susan Wojcicki yavuze ko bagiye kwemerera konti zimwe gusaba kujya zishyurwa ku butumwa bwerekeye coronavirus. Ubu yatangaje ko kwishyurwa bifunguye ku bakoresha YouTube bose.

Mu mabwiriza yashyizeho arimo kuba amashusho agaragaza abarwayi ba coronavirus barembye azajya agenerwa gutambutsa ubutumwa bwamamaza bukeya cyangwa bukurweho. Ibyo bizakorwa no ku bazatangaza amashusho agaragaza abigana umurwayi wa Coronavirus bakorora cyangwa bahumeka nabi.

Ni ubutumwa butanzwe mu gihe Coronavirus ikomeje kwibasira Isi, ku buryo harimo gushishikarizwa abantu bose gutanga ubutumwa bwafasha mu kuyikumira.

YouTube izahagarika kwishyura abazatangaza amakuru y’ibihuha avuga ku miti, ubutumwa butaribwo ku gitera icyo cyorezo, imvano cyangwa ikwirakwira ryacyo bivuguruza ubushakashatsi.

Bikazagenda bityo ku mashusho avuga ko hari Guverinoma cyangwa ibigo byaremye iyo virusi cyangwa ko igamije gukuruho ubwoko runaka.

All Creators in YPP can now monetize COVID-19 related content that follows Community & Ad friendly Guidelines – look for a notif in Studio this week & next.

We put together a guide w/ must-know info to help you create & monetize this content responsibly→ https://t.co/BxYEPRbi8p https://t.co/s6ZNRPK5pf

— TeamYouTube #StayHome (@TeamYouTube) April 2, 2020

YouTube igiye gutangira kwishyura amashusho atanga ubutumwa kuri Coronavirus