Nyuma yo gukora ataruhuka, ndetse agakomeza gukora siporo nkuko yari asanzwe ayikora, akirengagiza ko atwite, Kim Kardashian yajyanwe kwa muganga igitaraganya n’amarira menshi afite ubwoba bw’uko inda atwite yaba igiye kuvamo.

Akigezwa kwa muganga abaganga bakoze iyo bwabaga ntiyavamo, ariko bamusaba kuruhuka no kugabanya bimwe mu byo yakoraga, kugirango umwana uri mu nda arusheho kugubwa neza.

Amakuru dukesha New York time aravuga ko, nyuma yo kuva kumurika imideri mu Gihugu cy’u Bufaransa mu cyumweru gishize, Kim yatangiye kumererwa nabi akiri mu ndege, nkuko inshuti ze za hafi zibitangaza.

Kim Kardashian yahawe ikiruhuko n’umuganga, nyuma yo kumushyira mu bitaro, kugirango akomeze akurikiranwe.

Kim akora siporo iminsi yose igize icyumweru, atitaye ku nda atwite, akanagira abajyanama babiri mu bya siporo, bashinzwe kugenzura uko ibiro bye bingana.

Nkuko inshuti ze za hafi zibivuga, uyu mugore wa Kanye West ngo ntashimishijwe n’uburyo umubiri we ugenda uhinduka, bitewe no gutwita.