ku nshuro ya mbere mu mateka, u Bwongereza bwemeye ko mu gihe cy’ubukoloni bwahohoteye Abanyakenya bo mu mutwe wa Mau Mau, bari impirimbayi z’ubwigenge bw’iki gihugu, kuri uyu wa Kabiri tariki 17 Nyakanga.

Iyi ntambwe yatewe biturutse kuri bamwe mu barwanashyaka ba Mau Mau basabaga Urukiko Rukuru rw’u Bwongereza niba bafite uburenganzira bwo kurega u Bwongereza ku ihohotera bakorewe mu bukoloni.

Mu mwaka wa 2011, Urukiko Rukuru rw’u Bwongereza rwategetse ko aba bahohotewe Paulo Muoka Nzili, Wambuga Wa Nyingi na Jane Muthoni, bategwa amatwi batambutsa ibirego byabo.
Abunganira abarega batangaje ko aba Mau Mau bakubiswe ndetse abagore bagafatwa ku ngufu aho bari bafungiye.

Mu nyadiko yise Kenyan Mau Mau claimant ifite amapaji 20, Wambugu Wa Nyingi yagize ati “mugiye cy’ubukoloni, abantu barakubiswe, ubutaka bwabo burigarurirwa, abagore bafatwa ku ngufu, mu gihe abagabo bakorerwaga iyicarubozo ndetse abana bakicwa”. Nzili, ufite imyaka85 yavuze ko we yatotejwe ndetse akamburwa imyenda akanafungirwa I Nairobi.

Undi mukecuru witwa Mara ufite imyaka 73, yatanze ubuhamya bwe ku iyicarubozo yakorewe agifite imyaka15 gusa, aho yari afungiwe mu nkambi ya Gatithi, avuga ko yakubiswe n’Abongereza ndetse bagakoresha icupa ririmo amazi ashushye bakaryinjiza mu gitsina cye.Yagize ati « sinumvaga impamvu nkorerwa ibyo, kubera gusa kugemurira amafunguro aba Mau Mau »

Uhagarariye leta y’u Bwongereza mu by’amategeko,Guy Mansfield nawe yavuze ko atahakana ko abaturage ba Kenya bahokorewe ihohoterwa mu gihe cy’ubukoroni, gusa Leta y’u Bwongereza irifuza ko iki kibazo cyakurikiranwa ariko atari mu nzira z’inkiko.