Turi ku wa 11 Mata 2026.

Ni umunsi mpuzamahanga wo kumenyekanisha indwara yo gususumira izwi nka Parkinson.

Ibi ni bimwe mu byaranze uyu munsi mu mateka

1994: Ingabo za Loni zari mu Rwanda by’umwihariko iz’Ababiligi zari ziyobowe na Lieutenant Luc Lemaire, wari akuriwe na Lieutenant-Colonel Dewez, bayoborwaga na Colonel Luc Marshall wari wungirije Jenerali Romeo Dallaire ku buyobozi bw’ingabo za MINUAR; zasize Abatutsi mu maboko y’Interahamwe, bicirwaga ku musozi wa Nyanza ya Kicukiro.

1994: Abatutsi bari bamaze iminsi bahungira muri kiliziya ya Paruwasi Gatolika ya Kiziguro, muri Komini Murambi, barishwe mu gikorwa cy’ubunyamaswa cyabaye kuva saa yine z’igitondo kugeza saa kumi z’umugoroba.

1976: Mudasobwa ya mbere ya Apple yaramuritswe, igurishwa amadolari ya Amerika 666.

1979: Idi Amin Dada wari ku butegetsi bwa Uganda, yabuhiritsweho.

Abavutse

1991: Thiago Alcântara, umunya-Espagne wamenyekanye mu Ikipe ya Bayern de Munich mu Budage nyuma akanakinira Liverpool mu Bwongereza.

2001: Manuel Ugarte, umunya-Urugway ukinira Ikipe ya Manchester United mu Bwongereza.

Abapfuye

2012: Ahmed Ben Bella wabaye perezida wa mbere wa Algérie.

2014: Edna Doré, Umwongerezakazi wamenyekanye mu gukina filime.