Turi ku wa 13 Gicurasi 2026.

Ni Umunsi Mpuzamahanga w’Uruhurirane rw’Ibinyobwa uzwi nka “World Cocktail Day.”

Ibi ni bimwe mu byaranze uyu munsi mu mateka

1994: Abatutsi bari baragerageje kwirwanaho, batangiye kwicirwa ku bwinshi ku misozi ya Bisesero.

1909: Isiganwa ry’amagare rya “Giro d’Italia” ryakinwe ku nshuro ya mbere mu mujyi wa Milan mu Butaliyani, ryegukanwa na Luigi Ganna.

2014: Abantu 301 bahitanywe n’iturika ryabereye ahacukurwaga nyiramugengeri muri Turukiya.

Mu muziki

1971: Ubwo umuhanzi Stevie Wonder yari amaze kuzuza imyaka 21 y’amavuko, yashyikirijwe miliyoni imwe y’amadolari ya Amerika nk’amafaranga yinjije ubwo yari akiri umwana nubwo amakuru yagaragazaga ko yari yarinjije miliyoni 30 $.

Abavutse

1993: Havutse Umuhanzi wamenyekanye nka Princess Priscillah ubu usigaye yiyita Schillah1 aho ubu asigaye atuye muri Leta Zunze Ubumwe za Amerika.

1950: Havutse Stevie Wonder, umunyamuziki w’Umunyamerika ufite inkomoko muri Ghana.

1983: Yaya Touré wakiniye FC Barcelone na Manchester City ndetse n’Ikipe y’Igihugu ya Côte d’Ivoire.

1993: Havutse Romelu Lukaku wamenyekanye mu makipe atandukanye nka Everton, Chelsea na Manchester United zo mu Bwongereza n’izindi zo mu Butaliyani.

Abapfuye

2022: Khalifa bin Zayed Al Nahyan wabaye perezida wa kabiri wa Leta Zunze Ubumwe z’Abarabu.