Turi ku wa 13 Mata 2026.

Ni Umunsi Mpuzamahanga wo kwishimira Ibimera.

Ibi ni bimwe mu byaranze uyu munsi mu mateka

1994: Abatutsi bari bahungiye i Nyamirambo mu ishuri rya Saint André, irya Saint Joseph no muri Kiliziya yitiriwe Mutagatifu Karoli Lwanga, barishwe.

1994: Hishwe Abatutsi b’i Kibilira muri Ngororero, abari bahungiye kuri Kiliziya Gatolika ya Rukara muri Kayonza n’ahandi henshi mu gihugu.

2019: Majoro Nsabimana Callixte wari uzwi ku izina rya Sankara, icyo gihe akanaba Umuvugizi w’Umutwe wa FLN, inyeshyamba zishamikiye ku ishyaka MRCD rya Paul Rusesabagina, yatawe muri yombi.

Abavutse

1922: Julius Kambarage Nyerere ufatwa nk’umubyeyi w’igihugu cya Tanzanie, ari na we wakibereye perezida wa mbere.

1955: Muwenda Mutebi II, umwami w’Ubwami bwa Buganda.

Abapfuye

1966: Abdul Salam Arif wabaye perezida wa kabiri wa Iraq

1975: Hapfuye François Tombalbaye wabaye perezida wa mbere wa Tchad.