Turi ku wa 14 Gicurasi 2026.

Ibi ni bimwe mu byaranze uyu munsi mu mateka

1910: U Budage, u Bwongereza n’u Bubiligi bemeje guha RDC Intara za Rutshuru, Itombwe, Uvira na Fizi zari iz’u Rwanda. Bufumbira na Mpororo bihabwa Uganda.

1994: Umunyarwanda Alphonse K. yakanguriye abantu gutera no kwica Abatutsi ubwo yari mu nama yitabiriwe na Jean Kambanda wabaye Minisitiri w’Intebe muri Guverinoma y’Abatabazi, yabereye i Butare.

Uyu mugabo ubu ari gukurikiranwa n’Ubushinjacyaha bwo mu Bufaransa kubera icyo cyaha.

1994: Abicanyi bagarutse kwica Abatutsi bari basigaye ku misozi ya Bisesero.

2005: Perezida Kagame yakiriwe na Mugenzi we w’u Bushinwa, Hu Jintao, mu ruzinduko rw’iminsi itandatu yagiriye mu Bushinwa.

2025: Ubuyobozi bw’Umujyi wa Kigali bwatangiye guha abaturage inzu nshya zuzuye mu Mudugudu w’Icyitegererezo wa Mpazi mu Murenge wa Gitega hashingiwe ku igenagaciro ry’aho bari batuye.

2021: Ku nshuro ya mbere u Bushinwa bwagejeje ikigendajuru cya Zhurong kuri Mars.

Mu muziki

2003: Umuhanzi Britney Spears yiyunze n’Ikigo Skechers bari bashwanye bapfa kutubahiriza amasezerano yo kwamamaza bari bagiranye.

Abavutse

Andy Bumuntu wubatse izina muri muzika nyarwanda.

1984: Mark Zuckerberg, Umunyamerika watangije urubuga nkoranyambaga rwa Facebook.

1997: Havutse Rúben Dias ukinira Ikipe y’Igihugu ya Portugal na Manchester City mu Bwongereza.

Abapfuye

1998: Frank Sinatra, Umuhanzi n’umukinnyi wa filimi ukomoka muri Amerika.