Tariki ya 17 Mata ni umunsi wa 107 mu igize umwaka, hasigaye 258 ukagera ku musozo.

Bimwe mu byaranze uyu munsi mu mateka

0069: Vitellius yabaye Umwami w’Abami wa Roma.

1492: Espagne n’umugabo witwa Christopher Columbus bashyize umukono ku masezerano yiswe Capitulations of Santa Fe yo kumuha ibyangombwa yari akeneye mu rugendo rwo gushaka inzira yabageza ku Mugabane wa Aziya.

1521: Martin Luther yatangarije imbere y’Inteko y’abayobozi yari izwi ku kazina ka Diet of Worms ko adashobora guhagarika inyigisho ze, zahakanaga amwe mu matwara ya Kiliziya Gatolika.

1912: Abasirikare b’u Burusiya bagabye ibitero ku bahinzi bo muri Siberia, bica abagera ku 150.

1945: Brazil yabohoje Umujyi wa Montese, mu Butaliyani iwambuye Abanazi bo mu Budage.

1946: Syria yabonye ubwigenge, iva mu bukoloni bw’Abafaransa.

1969: Sirhan Sirhan yafunzwe azira kuba yarishe uwahoze ari Perezida wa Leta Zunze Ubumwe za Amerika, Robert F. Kennedy.

1971: Sierra Leone yahindutse Repubulika.

1986: Intambara yamaze imyaka 335, hagati y’u Buholandi n’Ibirwa bya Scilly yararangiye.

Intandaro yayo ni intambara y’isubiranamo ry’abaturage yabaye mu Bwongereza yahuzaga abashyigikiye ubwami (Loyalists) n’abo mu Nteko Ishinga Amategeko (Parliamentarians) mu 1642 kugera mu 1652. Bapfaga Intara ya Cornwall, iherereye mu Majyepfo y’Iburengerazuba ku Nyanja ya Atlantic. Iyo ntambara yiswe "Driehonderdvijfendertigjarige Oorlog" [Three Hundred and Thirty Five Years’ War].

Byaje kurangira abo mu nteko batwaye iyi ntara, bituma ab’ibwami bashaka kubohoza nabo Ibirwa bya Scilly ngo birusheho kugira amaboko. Ibi byatumye u Buholandi bwinjira mu ntambara nyuma yo gushyigikirwa n’abaturuka mu nteko ngo bagabe ibitero kuri Scilly mu rwego rwo kurushaho kubuza abaturuka i bwami kugira amaboko.

Byaje kurangira intambara ibaye urusobe hagati y’u Buholandi n’Ibirwa bya Scilly mu gihe ababateranyaga bo bidamarariye. Mu 1986 ni bwo uwari ukuriye ibi birwa yasabye ko hashyirwa umukono ku masezerano yo kuyihagarika.

2006: Umwiyahuzi wo muri Palestine, Sami Hammad yahitanye abantu 11, akomeretsa abandi 70.

Bamwe mu bitabye Imana kuri uyu munsi

1080: Umwami Harald III wa Denmark.

1711: Joseph I; wabaye Umwami w’Abami wa Roma.

1997: Chaim Herzog, wabaye Perezida wa Israel.