Turi ku wa 21 Werurwe 2026.

Ni Umunsi Mpuzamahanga wahariwe Ubusizi. Muri Tunisia ho bawizihiza nk’uwahariwe urubyiruko.

Ibi ni bimwe mu byaranze uyu munsi mu mateka

1917: Mu Rwanda hashyizweho itegeko rigena ibihano by’ikiboko; bikozwe n’abakoloni.

1990: Igihugu cya Namibie cyabonye ubwigenge nyuma y’imyaka 75 kigengwa na Afurika y’Epfo.

2000: Papa Paul Yohana II yasuye Israel aba Umushumba wa mbere wa Kiliziya Gatolika usuye icyo gihugu.

2006: Hashinzwe urubuga nkoranyambaga rwa Twitter rusigaye rwitwa X.

Mu muziki

2014: Umuhanzi Shakira yasohoye album ye ya 10 yari iriho indirimbo yakoranye na Rihanna “Can’t Remember To Forget You” yakunzwe cyane hirya no hino ku Isi.

Abavutse

1955: Jair Bolsonaro, umunya Brésil wayoboye icyo gihugu kuva mu 2019 kugeza mu 2023.

2007: Ethan Nwaneri, Umwongereza ukina mu basatira izamu mu ikipe ya Marseille.

Abapfuye

2013: Chinua Achebe, umwanditsi w’umunya-Nigeria ufatwa nk’umubyeyi w’ubuvanganzo bwa Afurika y’iki gihe.