Turi ku wa 24 Mutarama 2026.

Ni umunsi wahariwe umwana w’umukobwa mu Buhinde.

Ibi ni bimwe mu byaranze uyu munsi mu mateka

2012: Dr. Léon Mugesera yagejejwe i Kigali yoherejwe n’Urukiko Rukuru rwa Canada kugira ngo aburanishwe ku ruhare rwe mu byaha bya Jenoside yakorewe Abatutsi.

2011: Ku Kibuga cy’Indege cya Domodedovo mu Mujyi wa Moscow mu Burusiya, habereye igitero cya bombe cyahitanye abantu 35, abandi barenga 180 barakomereka.

1939: Chile yibasiwe n’umutingito ukomeye ababarirwa mu bihumbi 28 bahasiga ubuzima.

2018: Umuganga Larry Nassar yakatiwe igifungo cy’imyaka 175 nyuma yo guhamywa icyaha cyo gusambanya abana n’abagore yari ashinzwe kuvura.

2025: Guverineri w’Intara ya Kivu y’Amajyaruguru, Gen Maj Peter Cirimwami, yishwe arashwe na M23 mu gace ka Kasengezi.

Mu muziki

2005: Album ya kabiri Britney Spears yise “Oops!... I Did It Again” yabaye imwe mu zagurishijweho kopi zirenga miliyoni 10 aba umugore wa mbere ugize ako gahigo kuri Album ze ebyiri za mbere.

Abavutse

1953: Moon Jae-in wabaye perezida wa 19 wa Korea y’Epfo.

1987: Luis Suárez, umukinnyi w’umupira w’amaguru ukomoka muri Uruguay, aho yamenyekanye nka rutahizamu muri Liverpool, FC Barcelone na Atletico Madrid.

Abapfuye

1965: Winston Churchill wabaye Minisitiri w’Intebe w’Ubwami bw’u Bwongereza. Yanahawe igihembo cyitiriwe Nobel mu Buvanganzo mu 1953.

1982: Alfredo Ovando Candía, wabaye Perezida wa 56 wa Bolivia.