Bimwe mu byaranze uyu munsi:
1328: Philip VI yambitswe ikamba ry’ubwami mu Bufaransa
1780: Mu ntambara y’impinduramatwara muri Leta Zunze Ubumwe za Amerika, mu rugamba rwiswe urwa Waxhaws, ingabo z’Abongereza zakomeje gusatira Abanyamerika, maze 113 bahasiga ubuzima, 53 bararurokoka.
1931: Michele Schirru, ukomoka muri Leta Zunze Ubumwe za Amerika, yarashwe urufaya n’ingabo z’u Butariyani akekwaho kwica umunyagitugu ruharwa Benito Mussolini.
1932: Abarwanye intambara ya mbere y’Isi yose batangiye kwiyegeranyiriza i Washington, mu mutwe w’ingabo zahawe izina rya Bonus Army kugira ngo bazabone uko bishyuza amafaranga bari basezeranijwe kwishyurwa mu 1945
1953: Edmund Hillary ukomoka muri Nouvelle-Zélande na Sherpa Tenzing Norgay wo muri Nepal, babaye aba mbere bashyitse ku gasongero ka Everest
1982: Papa Jean Paul II yabaye Umushumba wa mbere usuye icyicaro cy’Abaporotesitanti kiri Canterbury mu Bwongereza.
1999: Olusegun Obasanjo yabaye Perezida wa mbere w’umusivili uyoboye Nigeria nyuma y’imyaka 16 ubuyobozi bufitwe n’igisirikare
2012: Umutingito ufite igipimo cya 5.8 wibasiye amajyaruguru y’u Butariyani, uhitana abasaga 24
Bamwe mu bavutse kuri iyi tariki:
1914: Tenzing Norgay, ukomoka muri Nepal, akagira n’ubwenegihugu bw’u Buhinde, akaba ari mu bageze ku gasongero ka Everest bwa mbere
1917: John F. Kennedy, umunyapolitiki wari ufite ipeti rya Lieutenant mu gisirikare, wanabaye Perezida wa Leta Zunze Ubumwe za Amerika.
1926: Abdoulaye Wade, Umwarimu akaba n’impuguke mu bya politiki, wanabaye Perezida wa Sénégal
1980: Ernesto Farías, ikirangirire mu mupira w’amaguru ukomoka muri Argentine
Bamwe mu batabarutse kuri iyi tariki:
1814: Joséphine de Beauharnais, umugore wa mbere wa Napoleon Bonaparte
1958: Juan Ramón Jiménez, umusizi akaba n’umwarimu ukomoka muri Espagne, wanahawe igihembo cyitiriwe Nobel
1987: Charan Singh, umunyapolitiki wo mu Buhinde wanabaye Minisitiri w’Intebe w’icyo gihugu
2011: Ferenc Mádl, umwarimu akaba n’impuguke mu bya politiki wo muri Hongrie, wanabaye Perezida w’icyo gihugu
TANGA IGITEKEREZO