Turi ku wa 3 Werurwe 2026.

Ni umunsi mpuzamahanga wahariwe kubungabunga inyamaswa z’agasozi n’ibidukikije muri rusange.

Ni n’umunsi mpuzamahanga wahariwe kwita ku buvuzi bw’amatwi hagamije kwirinda ubumuga bwo kutumva.

Ibi ni bimwe mu byaranze uyu munsi mu mateka

1938: Muri Arabie Saoudite havumbuwe peteroli.

1985: Umutingito wibasiye Chili uhitana abantu 177 abandi bakabakaba miliyoni imwe basigara badafite aho bakinga umusaya.

1939: Gandhi yatangije imyigaragambyo yo kwiyicisha inzara mu kurwanya igitugu u Bwongereza bwakoreshaga bukoloniza u Buhinde.

2005: Steve Fossett yabaye umuntu wa mbere uzengurutse Isi mu ndege nta hantu na hamwe ihagaze ngo yongeremo amavuta.

Mu muziki

1973: Album Elton John yise ‘Don’t Shoot Me I’m Only the Piano Player’ yabaye iya mbere ikunzwe muri Amerika mu gihe cy’ibyumweru bibiri.
Abavutse

1964: Laura Harring wabaye Nyampinga wa Leta Zunze Ubumwe za Amerika mu 1985.

1987: Havutse Ishimwe Dieudonné wamenyekanye nka Prince Kid.

Abapfuye

2003: Horst Buchholz, Umukinnyi wa filimi w’Umudage.

2017: René Préval wayoboye Haiti.