Tariki 9 Kamena ni umunsi wa 160 mu minsi igize umwaka, hasigaye iminsi 205 uyu mwaka ukagera ku musozo.

Bimwe mu byaranze uyu munsi mu mateka

62: Claudia Octavia yarishwe; akaba yari umwamikazi wa Roma, yari na mubyara w’umwami w’abami Tiberius.

1534: Jacques Cartier, Umunyaburayi wa mbere wavumbuye umugezi witwa Saint Lawrence River uhuza ibiyaga bigari byo ku mugabane wa Amerika n’inyanja ya Atlantic.

1944: Mu ntambara ya kabiri y’isi yose, Leta Zunze Ubumwe z’Aba-soviet zashegeshe bikomeye Leta ya Karelia y’Iburasirazuba yari yarafashwe n’igihugu cya Finland guhera mu mwaka wa 1941.

1946: Umwami Bhumibol Adulyadej wa Thailand yagiye ku ngoma y’ubwami bw’iki gihugu, niwe mwami wmaze igihe kirekire ku ngoma, yapfuye mu 2016.

1958: Ku mugaragaro Umwamikazi Elizabeth II yafunguye ikibuga cy’indege cya Gatwick cyo mu Mujyi wa London mu gihugu cy’u Bwongereza.

1967: Mu ntambara y’iminsi itandatu, Isirayeli yigaruriye ikibaya cya Golan, icyambuye Syria.

1968: Perezida Lyndon B. Johnson yatangaje umunsi w’ikiruhuko wakurikiye urupfu rwa senateri Robert F. Kennedy.

1974: Portugal na Leta Zunze Ubumwe z’Abasoviyeti byatangije umubano ushingiye kuri dipolomasi.

1999: Mu ntambara ya Kosovo, Repubulika ya Yugoslavia n’ingabo za NATO bashyize umukono ku masezerano y’amahoro.

Zimwe mu ndirimbo zakunzwe muri Amerika

1993: That’s The Way Love Goes ya Janet Jackson

1992: Jump ya Kris Kross

1991: More Than Words ya Extreme

1990: Hold On ya Wilson Phillips

1989: Wind Beneath My Wings ya Bette Midler

1988 : One More Try ya George Michael

1987: You Keep Me Hangin’ On ya Kim Wilde

1986 : Live To Tell ya Madonna

Ibitabo

1973: Breakfast of Champions cya Kurt Vonnegut

1997: The Ranch cya Danielle Steel

2005: Coach cya Michael Lewis

1977: A Book Of Common Prayer cya Joan Didion

Bamwe mu bavutse uyu munsi

1916: Robert McNamara, wabaye umunyamabanga mukuru wa Minisiteri y’ingabo ya Leta Zunze Ubumwe za Amerika ndetse na Perezida wa Banki y’Isi.

1954: Elizabeth May, umuyobozi w’ishyaka rya Green Party muri Canada.

1980: Lehlohonolo Seema, umukinnyi w’umupira w’amaguru ukomoka muri Afurika y’Epfo.

Bamwe mu batabarutse uyu munsi

1923: Igikomangoma Helena w’ubwami bw’u Bwongereza.

1959: Adolf Otto Reinhold Windaus, umuhanga mu butabire ukomoka mu Budage, wanabiherewe igihembo cyitiriwe Nobel.

2004: Rosey Brown, umukinnyi w’umupira w’amaguru ukomoka muri Leta Zunze Ubumwe za Amerika.