Tariki ya 2 Kanama

00:00:00 IGIHE NETWORK

KINYARWANDA

ENGLISH

FRANCAIS

Tariki ya 2 Kanama

Yanditswe na

SHIKAMA Dioscore

Kuya 2 August 2022 saa 06:30

Yasuwe :

Yavuzweho:

Tariki 2 Kanama ni umunsi wa magana abiri na cumi n’itanu mu minsi igize umwaka, hasigaye iminsi ijana na mirongo itanu uyu mwaka ukagera ku musozo.
Bimwe mu byaranze uyu munsi mu mateka
1776: Hashyizwe umukono ku masezerano ajyanye no gutangaza ubwigenge bwa Leta Zunze Ubumwe za Amerika.
1918: U Buyapani bwatangaje ko bugiye gukura ingabo zabwo muri Siberia, nk’ikimenyetso cyo kuva mu ntambara ya mbere y’isi yose.
1918: Bwa mbere hatangiye gukorwa imyigaragambyo rusange muri Canada, (…)

Tariki 2 Kanama ni umunsi wa magana abiri na cumi n’itanu mu minsi igize umwaka, hasigaye iminsi ijana na mirongo itanu uyu mwaka ukagera ku musozo.

Bimwe mu byaranze uyu munsi mu mateka

1776: Hashyizwe umukono ku masezerano ajyanye no gutangaza ubwigenge bwa Leta Zunze Ubumwe za Amerika.

1918: U Buyapani bwatangaje ko bugiye gukura ingabo zabwo muri Siberia, nk’ikimenyetso cyo kuva mu ntambara ya mbere y’isi yose.

1918: Bwa mbere hatangiye gukorwa imyigaragambyo rusange muri Canada, ikaba yarabereye mu Mujyi wa Vancouver.

1944: Hatangiye kwizihizwa umunsi mukuru wa Repubulika ya Macedonia.

1968: Umutingito utoroshye wibasiye agace ka Casiguran, Aurora ndetse na Philippines, wahitanye abagera kuri magana abiri na mirongo irindwi, abarenga magana abiri barakomereka

1980: Mu Butaliyani, ahitwa Bologna hategerwa gari ya moshi, haturikiye igisasu cya bombe cyivugana abarenga mirongo inani, abandi magana abiri barakomereka bikomeye

1989: Umuryango w’ibihugu byakolonijwe n’u Bwongereza (Commonwealth of Nations), wongeye kwakira Pakistan nyuma y’uko iki gihugu cyisubiyeho kikagaragaza ukwishyira ukizana na demokarasi, cyari cyarahagaritswe mu 1972

1989: Ingabo z’Umuryango w’Abibumbye zari mu butumwa bwo kugarura amahoro muri Sri Lanka zakoze ubwicanyi bwaguyemo abaturage b’i Tamil bagera kuri mirongo itandatu na bane, izi ngabo zakomokaga mu Buhinde.

1990: Ingabo za Iraqi zigabije ku ngufu igihugu cya Kuwait, iyi iba intandaro y’intambara yo mu kigobe(Gulf War).

Bamwe mu bavutse uyu munsi

1923: Shimon Peres, umunyapolitiki ukomeye muri Israel, yabaye Minisitiri w’Intebe ndetse aba na Perezida wa Cyenda ku rutonde rw’abayoboye Israel.