Uyu munsi Kiliziya Gatolika irizihiza Mutagatifu Héliéna, Laetitia na Léna.

Bimwe mu byaranze uyu munsi mu mateka

Mu 293 Mbere y’ivuka rya Kirisitu: Urusengero rw’Abaromani rw’ahitwa Venus ni bwo rwashinzwe, ibi byatangiranye n’ikigo cya Vinalia Rustica.

1201: Hashinzwe Umujyi wa Riga ukorerwamo ubucuruzi n’inganda muri Baltics.

1891: Muri Martinique habaye imyigaragambyo ikomeye yiswe Major hurricane, yasize ihitanye abantu bagera muri 700.

1938: Franklin D. Roosevelt wari Perezida wa Leta Zunze Ubumwe za Amerika, yatashye ikiraro cyitwa Thousand Islands Bridge, gihuza Leta ya New York na Ontario yo muri Canada.

1941: Adolf Hitler wamamaye cyane kubera gutegura no gushyira mu bikorwa Jenoside yakorewe Abayahudi, yahagaritse by’agateganyo uburyo Abanazi bicagamo abantu bakoresheje ibikorwa byo kwa muganga, ubu buryo bwitwaga T4 euthanasia bwahinduraga imitekerereze y’abantu ndetse bukabatera ubumuga mu mitwe, akaba yarabihagaritse bitewe n’imyigaragambyo yari imaze gufata intera ikomeye.

1977: Steve Biko uzwi cyane kubera uburyo yarwanyije ivangura rishingiye ku ruhu ryari ryarigaruriye Afurika y’Epfo yatawe muri yombi na Polisi y’iki gihugu imufatiye mu Mujyi wa King William uherereye mu Burasirazuba bwacyo.

Uyu musore wari ukuriye abanyeshuri mu rugamba rwo kurwanya ivangura rishingiye ku ruhu, yaje kwitaba Imana nyuma y’igihe gito bitewe n’ibikomere bamuremye ubwo bari bagiye ku muta muri yombi.

2005: Muri Indonesie mu Gace ka Java habaye ibura ry’umuriro w’amashanyarazi rikomeye dore ko ryagize ingaruka zitari nziza ku bantu bagera kuri miliyoni ijana.

2008: Bitewe n’imyigaragambyo y’injyanamuntu yakozwe n’abatavuga rumwe n’ubutegetsi muri Pakistan, Pervez Musharaf wari Perezida, yahisemo kwegura ku mirimo ye.

Bamwe mu bavutse uyu munsi

1942: Judith Keppel, Umwongereza wa mbere watsindiye igihembo gikomeye kizwi nka Who Wants to Be a Millionaire.

1961: Timothy Geithner.

Bamwe mu batabarutse uyu munsi

2007: Michael Deaver yari Umukuru w’Ibiro bya Perezidansi ubwo Leta Zunze Ubumwe za Amerika yayoborwaga na Ronald Reagan.

2009: Kim Dae-jung, wabaye Perezida wa 15 ku rutonde rw’abayoboye Koreya y’Epfo.

Bimwe mu bitabo byasohotse

2004: Losing America cya Robert C. Byrd

1956: A Walk On The Wild Side cya Nelson Algren

2011: Those Guys Have All The Fun cya James Andrew Miller and Tom Shales

1963: Happiness Is A Warm Puppy cya Charles M. Schulz

1971: The Exorcist cya William Peter Blatty