Tariki 24 Nyakanga ni umunsi wa 206 mu minsi igize umwaka, hasigaye iminsi ijana na mirongo itanu n’icyenda ngo ugere ku musozo.

Bimwe mu byaranze uyu munsi mu mateka

1823: Muri Chile, haciwe ubuhake.

1935: Bwa mbere mu mateka hafunguwe ku mugaragaro ishuri ryigisha abana gutwara gari ya moshi (children’s railway), ryafunguriwe ahitwa Tbilisi muri Leta Zunze Ubumwe z’Abasoviyete.

1977: Hasojwe intambara y’iminsi ine, yabaye hagati ya Libya na Misiri.

1990: Iraqi yatangiye kugaba ibitero ku mupaka uyihuza na Kuwait.

2002: Intumwa ya rubanda, ituruka mu Ishyaka ry’Aba-Démocrates yo muri Leta Zunze Ubumwe za Amerika yitwa James Traficant yasezerewe mu Nteko Ishinga Amategeko, byemejwe ku majwi 420 kuri rimwe rimurengera.

2005: Ku nshuro ya karindwi Lance Armstrong yatsinze irushanwa ry’isiganwa ku magare rikomeye mu rwego rw’Isi rizwi nka Tour de France.

2010: Abantu barenga ibihumbi mirongo inani ku Isi hose, bwa mbere ku munsi umwe basuye video ya YouTube yitwa Life In A Day.

Iyi video yakozwe mu bufatanye na YouTube na LG Electronics, kompanyi ikora ibijyanye n’ibikoresho by’ikoranabuhanga. Iyi kompanyi ni iya kabiri mu rwego rw’Isi ikora ibikoresho by’ikoranabuhanga byinshi, birimo telefone zigendanwa, televiziyo n’ibindi.

Bamwe mu bavutse uyu munsi

1980: Wilfred Kipkemboi Bungei, ukomoka muri Kenya, umukinnyi w’imikino ngororangingo yo gusiganwa n’amaguru. Yatsindiye umudali wa zahabu mu cyiciro cya metero 800.

1991: Lin Yue, Umushinwa ukora imikino yo gusiganwa n’amaguru.

Bamwe mu batabarutse uyu munsi

1862: Martin Van Buren, uwa munani ku rutonde rw’abayoboye Leta Zunze Ubumwe za Amerika.

1966: Tony Lema, wari umukinnyi wa Golf ukomoka muri Leta Zunze Ubumwe za Amerika.

Martin Van Buren