Tariki 7 Ugushyingo ni umunsi wa 312 mu minsi igize umwaka, hasigaye iminsi igera kuri 54 uyu mwaka ukagera ku musozo.

Bimwe mu byaranze uyu munsi

1916: Uwitwa Jeannette Rankin yabaye umugore wa mbere watorewe kujya muri Congrès ya Leta Zunze Ubumwe za Amerika.

1983: Inyubako ikorerwamo na Sena ya Leta Zunze Ubumwe z’Amerika yagabweho igitero cya bombe, iki gitero nta muntu cyahitanye uretse ko cyangije ibintu bibarirwa agaciro kangana n’ibihumbi 250 by’amadolari y’Amerika.

1987: Mu gihugu cya Tunisia habaye ihirikwa ry’ubutegetsi, Perezida Habib Bourguiba asimburwa na Zine El Abidine Ben Ali wari Minisitiri w’Intebe.

1989: Uwitwa Douglas Wilder binyuze mu matora, yatsindiye kuba umukuru wa Virginia, aba Umunyamerika wa mbere ufite inkomoko ku mugabane w’[Afurika wabaye guverineri muri Leta Zunze Ubumwe z’Amerika.

1989: David Dinkins yabaye Umunyamerika wa mbere ufite inkomoko ku mugabane w’Afurika uyoboye umujyi wa New York.

1989: Uwari Minisitiri w’Intebe w’u Budage bw’u Burasirazuba yasabwe kwegura we na guverinoma ye yose kubera imyigaragambyo ikomeye yarwanyaga guverinoma.

1990: Mary Robinson yabaye umugore wa mbere watorewe kuba Perezida w’igihugu cya Ireland.

1991: Magic Johnson yatangaje ko ahagaritse gukina umukino wa Basketball kubera ko yari afite ubwandu bwa SIDA.

Magic Johnson

1994: Hatangijwe WXYC, umuyoboro wa radiyo wakozwe n’abanyeshuri bo muri Kaminuza ya North Carolina iri ahitwa Chapel Hill. Ku nshuro ya mbere bashyize radiyo ku murongo wa internet.

2000: Hillary Rodham Clinton yatorewe kuba umusenateri, aba umugore wa mbere ufite umugabo wigeze kuyobora igihugu cya Leta Zunze Ubumwe z’Amerika ugize uyu mwanya mu mateka y’iki gihugu.

Hillary Diane Rodham Clinton

2002: Igihugu cya Iran cyashyizeho itegeko rikuraho kwamamaza ibicuruzwa bikorerwa muri Leta Zunze Ubumwe z’Amerika.

Bamwe mu bavutse uyu munsi

1980: Sergio Bernardo Almirón, umukinnyi w’umupira w’amaguru ukomoka mu gihugu cya Argentina.

1984: Amelia Vega, umunyamideri (model) ukomoka mu gihugu cya Dominica. Mu mwaka w’2003 yabaye Nyampinga uhiga abandi mu rwego rw’isi.

Bamwe mu batabarutse uyu munsi

1996: Claude Ake, umunyapolitiki wo mu gihugu cya Nigeria.

2007: George W. George, Umunyamerika wari umukinnyi ndetse agatunganya ibijyanye n’amafilimi.