Abantu barenga miliyoni 2 barwaye amavunja bikabije mu gihugu cya Kenya kandi benshi bavugako biterwa n’ubukene ndetse n’umwanda, iyi ndwara ikaba ihitana benshi muri iki gihugu.

Urubuga rw’Ijwi rya Amerika rwanditse ko aya mavunja atuma abana barenga miliyoni 1 n’igice batakibasha kujyi ku ishuri, kuko barembye cyane kandi bibatera ipfunwe n’ikimwaro maze abandi ngo bakabanegura.

Agnes Wayua afite abana 10 bose barwaye amavunja akaba aherutse gupfusha umwana n’umwuzukuru we bazize yo . Yagize ati: “Bintera isoni mu Bantu”.

Iyi ndwara y’amavunja nta muti nta rukingo igira bikaba byatumye hari umuhanga w’Umudage urimo gukora urukingo rw’amavunja ruzafasha aba barwayi, akaba afatanya n’ikigo bita “Ahadi Trust Kenya” gishinzwe kurwanya ibyorezo.

Abo barwayi b’amavunja bayarwara ku birenge no mu ntoki, ariko abakorera bushake batandukanye ntako batagira, nk’uko Mourine Wangari Karanja akunze gusukura abanyamavunja, aboza ibirenge, akabasiga amavuta, ndetse akabaha n’indi miti y’ibanze abivuga.

Abandi bitanze nabo bakoza abo banyamavunja harimo Miss ku rwego rw’Isi yose 2011, Miss w’Uburayi, uwa Kenya, umwuzukuru wa Nelson Mandela wigeze kuyobora Afrika y’Efpo bakaba barabitayeho ubwo babasangaga ku ivuriro barwariyemo.