Polisi mu gihugu cya Angola, iratangaza ko abantu 16 bakomoka muri Repubulika Iharanira Demokarasi ya Congo baguye mu mpanuka y’imodoka yabereye mu Ntara ya Zaïre mu Majyaruguru ya Angola.

Iyi mpanuka yabereye ahitwa Nzeto, ku bilometero 150 uvuye mu murwa mukuru Luanda.

Abapfuye bari abimukira muri Angola mu buryo butemewe n’amategeko. Bari muri kontineri [’container’] y’ikamyo.

BBC ivuga ko hari amakuru avuga ko bavaga mu mujyi wa Soyo muri Angola berekeza i Luanda, amakuru aturuka muri Polisi akaba avuga ko uwari utwaye iyi kamyo yahise abura impanuka ikimara kuba.

Abapfuye bazize ibikomere no kubura umwuka nk’uko polisi yakomeje ibitangaje.

Biravugwa ko bari bishyuye umushoferi amadolari 200 kugira ngo uyu mushoferi abageze i Luanda, ni ukuvuga amanyarwanda abarirwa mu bihumbi 130.