Abagenzi 113 mu 158 bavuye muri Uganda basanganywe Covid-19 bageze i Dubai

00:00:00 IGIHE NETWORK

KINYARWANDA

ENGLISH

FRANCAIS

Abagenzi 113 mu 158 bavuye muri Uganda basanganywe Covid-19 bageze i Dubai

Yanditswe na Muhonzire Sylvine

Kuya 10 July 2021 saa 09:52

Yasuwe :

Yavuzweho:

Leta Zunze Ubumwe z’Abarabu, UAE, zagaragaje ubwiyongere bukabije bw’icyorezo cya Covid-19 nk’impamvu yatumye zihagarika ingendo ziva muri Uganda ndetse no kuba hari umubare munini w’abagenzi bavaga muri Uganda bajya i Dubai bafite ibyangombwa by’ibihimbano byerekana ko batarwaye Covid-19 nyuma bapimwa bagasanganwa ubwandu.

UAE yavuze ko muri Kamena hari abagenzi bageze i Dubai bavuye muri Uganda bafite icyorezo cya Covid-19 mu gihe amabwiriza yo muri Uganda yavugaga ko umugenzi wese uhagurutse ku kibuga cy’indege cya Entebbe agomba kuba afite icyemezo cyerekana ko atarwaye Covid-19 kitarengeje amasaha 120.

Mu byagaragajwe harimo ko ku itariki 6 Kamena 2021 abagenzi 113 mu 158 bari bavuye muri Uganda bagiye i Dubai, basanganywe icyorezo cya Covid-19 ubwo bageraga ku kibuga cy’indege i Dubai.

Ku itariki 7 Kamena 2021 nabwo mu bagenzi 161 bari bavuye muri Uganda bajya i Dubai 72 basanganywe Covid-19. Ibintu byatumye abayobozi bo muri UAE bibaza ukuntu umuntu urwaye Covid-19 yemererwa gukora urugendo mu ndege y’ubucuruzi.

Si icyo gihe gusa kuko no ku itariki 10 Kamena 2021, nabwo abagenzi 19 mu 174 nabwo basanganywe Covid-19 bageze ku kibuga cy’indege cya Dubai bavuye Uganda nk’uko bitangazwa na Chimpreports.

Ubu bwiyongere bwa Covid-19 muri Uganda byatumye iki gihugu gishyiraho guma mu rugo y’iminsi 42.

Kugeza ubu muri Uganda hamaze kugaragara abarwayi ba Covid-19 bagera ku 86.755 muri bo 60.392 barayikize mu gihe abarenga 2000 bahitanywe nayo.