Polisi yari mu bikorwa byo gushakisha Abanye-Congo bagituye ahitwa Kibaya no mu isoko rya Bunagana.

Ni nyuma y’amabwiriza yatanzwe n’ubuyobozi bw’Akarere ka Kisoro mu ntangiriro z’iki cyumweru ko Abanye-Congo bose basaba ubuhungiro bagomba kwimukira mu nkambi y’agateganyo ya Nyakabande bitaba ibyo bagasubira mu gihugu cyabo.

Inkuru ya Chimpreports ivuga ivuga ko iki gikorwa cyagenze neza ariko abagerageje gutsimbarara bafashwe ndetse biteganyijwe ko bazashyikirizwa ubutabera.

Polisi y’Akarere ka Kisoro yihanagirije abaturage bacumbikira abasaba ubuhunzi mu ngo zabo ibasaba kubarekura bakajyanwa mu nkambi y’agateganyo kuko izakomeza kubashakisha mu ngo zabakiriye no mu macumbi (lodges).

Yemeje ko abo Banye-Congo bafashwe batera amabuye polisi bazashyikirizwa ubutabera.