{Leta ya Afurika y’Epfo yongeye kwerura ko izafatanya n’amahanga kurandura imitwe yitwaje intwaro muri Repubulika Iharanira Demokarasi ya Congo, irimo na FDLR.}

Icyo gihugu cyemeye ubu bufatanye ubwo intumwa zayo ziyobowe na Minisitiri w’Ingabo muri Afurika y’epfo Nosiviwe Mapisa-Nqakula zakirwaga na Perezida wa Congo Kinshasa Joseph Kabila.

Ibiro Ntaramakuru by’u Rwanda, RNA byatangaje ko izo ntumwa zongeye kwemeza ko bidasubirwaho guverinoma ya Afurika y’Epfo izafasha mu kurandura burundu imitwe yose yitwaje intwaro muri RDC harimo na FDLR kugira ngo icyo gihugu kigire amahoro n’umutekano.

Minisitiri Novisiwe yibukije ko tariki ya 2 Mutarama 2015, yari igihe ntarengwa ngo umutwe wa FDLR ube washyize intwaro hasi ku bushake, ariko ukaza kubirengaho ntubyubahirize.

Yasoje avuga ko igihugu cye cyemera ko Congo itagira amahoro mu gihe imitwe yose iyitera umutekano muke itararandurwa.

[email protected]