00:00:00 IGIHE NETWORK KN KINYARWANDA EN ENGLISH FR FRANCAIS

Afurika y’Epfo yikomye ibihugu biri gukumira abayiturukamo

Yanditswe na Bukuru JC
Kuya 27 Ugushyingo 2021 saa 11:57
Yasuwe :

Minisitiri w’Ubuzima muri Afurika y’Epfo, Joe Phaahla, yatangaje ko ibyemezo biri gufatwa n’ibihugu bitandukanye bigamije gukumira ingendo zituruka muri icyo gihugu, ari umurengera kandi bidakwiriye.

Uyu muyobozi yavuze ko “Icyorezo cya Covid-19 ari ikibazo cy’Isi muri rusange, bityo ko ibihugu byose bikwiye gufatanya mu kurwanya iki cyorezo aho gukora ibimeze nko guhana igihugu cyagaragayemo ubwoko bushya bwa Covid-19.”

Ibi byatangajwe nyuma y’uko ibihugu birimo Leta Zunze Ubumwe za Amerika, Ubumwe bw’u Burayi, Canada n’ibindi bitandukanye, bifashe icyemezo cyo guhagarika ingendo zituruka muri Afurika y’Epfo, nyuma y’uko byemejwe ko hagaraye ubwoko bushya bwa Covid-19 buzwi nka Omicron.

Amakuru y’ibanze avuga ko ubu bwoko bufite ubushobozi bwo kwihinduranya vuba, ibisobanuye ko bushobora kwandura vuba ndetse bukaba bushobora guhangara inkingo za Covid-19 zimaze gukorwa.

Minisitiri w'Ubuzima muri Afurika y'Epfo, Joe Phaahla, yavuze ko ibikorwa byo gukumira ingendo zituruka muri icyo gihugu bidakwiriye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .