Itangazo iyo sosiyete yashyize hanze kuri uyu wa Gatanu, yatangaje ko impamvu z’ingenzi zatumye ikomeza gusubika ingendo zayo ari ukubera ihirikwa ry’ubutegetsi ryabaye muri Niger ndetse n’umutekano muke mu gace ka Sahel ibyo bihugu bikoreramo.

Kuwa Mbere ushize nibwo Air France yari yahagaritse ingendo ivuga ko bizarangira kuwa Gatanu kubera ko Niger yari yafunze ikirere cyayo.

Air France yatangaje ko iryo subikwa ry’ingendo rizageza tariki 18 Kanama nubwo nabwo nta cyizere ko ibibazo bizaba byakemutse.

Kubera gufunga ikirere cya Niger, indege nyinshi ziva cyangwa zijya i Burayi ziri gusabwa kunyura indi nzira bigatuma amasaha zakoreshaga zigenda yiyongera.

Ibihugu bya Mali, Niger na Burkina Faso bifitanye umwuka mubi n’u Bufaransa nyuma y’ihirikwa ry’ubutegetsi rikozwe n’igisirikare, ryamaganywe n’u Bufaransa.