Ku wa mbere nibwo umuvugizi wa Minisiteri y’ingabo ya Amerika Capt. Jeff Davis yatangaje ko ku itariki ya 5 Werurwe indege zabo zagabye ibitero ku birindiro by’umutwe wa Al Shabab biherereye i Raso mu Majyepfo ya Somalia hakagwa abarwanyi b’uyu mutwe barenga 150.

Umuvugizi w’umutwe wa Al Shabab, Abdulaziz Abu Mus’ab yabwiye AlJazeera ko ibyatangajwe na Amerika harimo gukabya.

Ati ” Abanyamerika bari kurota. Ntabwo tujya duhuriza ahantu hamwe abarwanyi bangana kuriya.Tuzi uko umutekano uhagaze. Yego igitero cyabaye ndetse kibera aho bavuze ariko imibare bari kubwira isi n’ibinyoma.”

Amerika ivuga ko yagabye igitero kuri uyu mutwe kubera ko uteje ikibazo gikomeye kuri Somalia n’ingabo z’Umuryango wa Afurika Yunze Ubumwe (AU) dore ko no mu minsi yashize abarwanyi bawo bagiye bagaba ibitero ku birindiro by’ingabo za AU ahaguye abatari bake abandi bagakomereka.

Al Shabaab imaze gutakaza byinshi mu birindiro byayo ndetse n’uduce yari yarigaruriye kuva mu mwaka wa 2011.

[email protected]